هيب هوب عربي ... أجمل وأحدث أغاني الراب العربي


    balti paroles -bent houmti-

    شاطر

    wail_chinoui

    المساهمات : 2
    تاريخ التسجيل : 22/07/2012

    balti paroles -bent houmti-

    مُساهمة  wail_chinoui في الأحد يوليو 22, 2012 10:10 am

    بلطي - بنت حومتي
    احسبني خوك احسبني أقرب الناس
    بالنسبة ليا إنتي أختي نحب نشوفك لباس
    كنت صغيرة تلعب إنتي و البنات قدام الدار
    كنت تشوفني تفرح كي نجيبلك الحلوة مل عطار
    إليوم كبرت و زينت ما شاء الله معاش صغيرة
    إليوم تستاهل الامير خاطر في عيني أميرة
    أما خسارة وردة كيفك داير بيها الشوك
    ولاد الحرام برشة علاش تحير في أمك و بوك
    قلبي يوجعني عليك كيفاش كنت و اش وليت
    علاش وردة كيفك إليوم ماشية من يد ليد
    بنت حومتي نحبك لله لا خوف ولا طمع
    صدقني شرفك إذا ضاع يمشي ما يرجع
    ما نحبكشي لعبة بين يدين اللي ما يسواش
    معلبالو بيك كيفك كيف غيرك ما يحسبهاش
    ما يغركش بالحلوة اللي تتعدى بمرارة
    نخاف عليك لا نهار أخر تقول يا ليتو يا خسارة

    ما نسيت كيف كنتي وردة
    ما نسيت كيف كنتي بسمة
    ما نسيت كيف كنتي في سمايا نجوم...في سمايا نجوم
    لا لا لا موجوع ملي صاير فيك
    لا لا لا كثير الكلام ڤالوا عليك بعت الشرف بالمال الله يهديك
    كفي سهر الليل أنا ڤلبي عليك ...أنا ڤلبي عليك

    تنجم تقلي ما دخلكشي هذي حياتي و أنا حرة
    غدوة أنا نمشي و إنتي وحدك اللي تذوق المرة
    ولد حومتك كما خوك ما نحبش نشوف العيب
    العبيد تولي ملوك و الاميرة تولي عبيد
    ما عندك حتى كلمة كما عروسة في فترينا
    و يفوت بيك العمر و تعدي عمرك حزينة
    بنت حومتي راك ما عندكش خوات رجال وراك
    نحبك لباس نحبك فرحانة كيف نراك
    حس بامك كيفاش متحيرة و إنتي بايتة البرة
    شايخة بشبابك و إنتي مزينة طاولة بين عزرة
    كيفك كيف دبوزة وسكي شيخة تمشي و تعدي
    إذا فرغت تطيش يكور بها اللي يعدي
    و يعدي بيك العمر تقعد بدن بلا روح
    شكون الراجل اللي يرضى بالطير المجروح
    شكون اللي بش يداويك بعد ما شرفك يريح
    بنت حومتي كيما أوراق الخريف اللي هزها الريح

    علاش زرعتي طريقك بالاشواك
    عشڤ الظلم إليوم خذاك
    في سفينة تايهة بلا مرساة
    لا لا لا كنتي ملاك في عيون الناس
    لا لا لا ما يفيد الندم وفاض الكاس
    صار الوجع في الڤلب ما يتڤاس
    حتى الوفاء اللي كان عندك مات

    صغيرة مل مكتب للدار هكا كنت نشوف فيك
    بنية عاقلة تروح لداركم جايبة الحيط الحيط
    إليوم تروح في الفجاري حد ماهو داري
    اللي هزك معاه ماكش مرتو اللي جاب منها ذراري
    يروح بيك الصبح سكرانة في غيبوبة
    أمك سهرانة مشغوبة و إنتي فريسة بين الذيوبة
    على وسخ الدنيا مكلوبة لين تبعتي لحم
    النار تخلف رماد و الشجرة الواقفة تولي فحم
    ما يغركش إليوم الجو اللي يدوخ ياكل الكف
    خايف تفيق مخر و تلقى عمرك تخطف
    تقعد كي الدار المهجورة اللي ما يعمرها حد
    عديت عمرك في الملاهي كي الطير اللي ما عندو محط
    يكثر فيك كلام الناس و اسمك على كل لسان
    أغزر الأمك و بوك و قدرهم بين الجيران
    وخيان بنت حومتي هذا كلامي ليك
    أرجع كيما كنت صغيرة ما تخلي الدنيا تديك

    علاش ضيعتي صغرك وشبابك
    و المحنة ما تفارڤ بابك
    خليتي ڤلبي على حالك يبكي و يڤول
    لا لا لا كذبت عيني اللي ما نسات
    لا لا لا كيف شاف الدمعة خسارة طفات
    ما بين احضان الغدر إليوم تبات
    وسط الهوا ضيعت عمرك فات Cool

      الوقت/التاريخ الآن هو الأحد سبتمبر 24, 2017 1:11 pm